Según l’estudiu e-commerce 2020 de Iab Spain, 7 de cada 10 internautes merquen online con una frecuencia de compra de 3,5 vegaes al mes y con un gastu mediu de 68 euros per compra.
Los principales factores qu’impulsen al internauta a mercar son n’especial, la uferta y variedá de productos, la conveniencia y el preciu. Otros aspeutos destacaos son la variedá de métodos de pagu y l’amenorgamientu de los tiempos d’entrega.
Col estudiu añal d’e-commerce 2021 d’IEBS School, sacamos en conclusión que de los e-commerce españoles, el 87% asegura que la so facturación aumentó y, faciendo un balance de les previsiones para 2021, el 76,1% tien previstu facturar más.
El comerciu electrónicu supera n’España los 12.800 millones d’euros nel tercer trimestre de 2020, un 2,5% más que l’añu anterior, sigún la Comisión Nacional de los Mercaos y la Competencia.
Con estos datos demuéstrase que l’ecommercetá nun momentu de puxu y que ye un aliáu perfectu pa les pymes, apurriendo una oportunidá bona pa que s’adapten, y puedan espardese y dase a conocer de manera global.
Sicasí, nesti contestu con frecuencia, vese cierta resistencia al cambiu nes organizaciones, que ralentiza y, n’ocasiones, torga que s’afayen a esta realidá a un ritmu afayadizu. . Poro cada vez ye más necesaria l’adopción adulces d’acciones que favorezan la incorporación de tecnoloxíes dixitales nos emplegaos.
Fuente: Tornar la resistencia al cambiu na tresformación al e-commerce de les pymes , onde se detallen les acciones necesaries pa la correcta incorporación de nueves tecnoloxíes na redolada de la to empresa y emplegaos.